Բլոգ
Տեսնել ավելին
"Soap Me" բրենդի ստեղծման պատմությունը
Ողջույն...
Ցանկանում եմ մի փոքր պատմել Soap Me հայկական արտադրության օճառների և կոսմետիկ միջոցների բրենդի ստեղծման պատմությունը:
Մոտավոր 1 տարի առաջ ինձ մոտ առաջացավ այս գաղափարը:
Տառապում էի, մտածում էի ինչ նոր հետաքրքիր զբաղմունք պրպտեմ ինձ համար:
Մի բարի առավոտ, հանդիպեցի մի էջի, որը զբաղվում էր օճառագործությամբ ՌԴ-ում:
Մտածեցի <<ինչ էլ հավես ունեն…Անիմաստ ա օճառ պատրաստելու համար այդքան ժամանակ ու էներգիա ծախսել>>:
Բայց մտածելու հետ մեկտեղ մտքիցս դուրս չէր գալիս:
Մի փոքր ավելի ուսումնասիրեցի և հասկացա , որ չէ , իրոք հետաքրքիր և հաճելի զվբաղմունք է և հնարավոր է հաջողության հասնել այս ոլորտում:
Մտավախությունը շատ էր, որ չի ստացվի , միգուցե չվաճառվի, կամ ճանաչում չգտնի, սակայն միտքը ինձ հանգիստ չէր տալիս:
Քանի, որ ես սիրում եմ , երբ գործը արվում է մտածված և պրոֆեսիոնալ՝ փնտրեցի թե որտեղ կարելի է անցնել վերապատրաստում տվյալ ոլորտում մասնագիտանալու համար:
Եվ ահա 1 շաբաթ հետո հաշվարկեցի բոլոր ծախսերը բայց միևնույն է երկմտում էի…
Սակայն իմ ավագ ընկերը ինձ մի խորհուրդ տվեց, որը կարծես թե եղավ ճակատագրական:
- Աննա , ախր ին՞չ ես դու կորցնելու: Ընդամենը 1 դասընթացի մասնակցելու վճար:
Եվ վերջ, հաջորդ շաբաթ Աննան մեկնեց ՌԴ վերապատրաստվելու և պայքարելու իր նպատակների համար:
ՌԴ-ից վերադառնալուց հետո, 1 շաբաթում իմ տաղանդավոր դիզայների օգնությամբ մշակեցինք լոգոն,պիտակները և ուաաալյաա ես ունեցա իմ պուճուր ու սիրուն Soap Me-ին: Օգոստոս ամսին , արդեն ունեի առաջին հաճախորդը:
Միայն ես գիտեմ , թե ինչքան մեծ էր ոգևորվածությունը:
Նույնիսկ մինչ այսօր հիշում եմ , իմ առաջին հաճախորդի անունը, ազգանունը և հասցեն:
Այո , հասցեն ...
Քանի, որ սկզբում բացի օճառը պատրաստելուց և փաթեթավորելուց նաև ինքս կատարում էի առաքումները:
Այսօր իմ պուճուրը արդեն բավականին ճանաչված պատանի է դարձել և ինձ խոստացել է , որ դեռ շատ ու շատ բարձրունքներ է գրավելու :
Հիմա եմ միայն հասկանում , որ այդ օրը կայացրեցի իմ կյանքի ամենակարևոր և ճիշտ որոշումը:
Պետք է միշտ պայքարել նպատակին հասնելու համար:
Վստահ ասում եմ, որ միշտ կգտնվեն մարդիկ ովեր կկանգնեն Ձեր կողքին և հակառակը:
Սակայն նպատակին հասնելու ցանկությունը այն այնքան մեծ պետք է լինի, որ ոչինք չկարողանա Ձեզ կոտրել:
Ի դեպ նկարում իմ պատրաստած առաջին օճառն է:
Կարդալ ավելին
...
Արի թեյախմության ԻզաԲելլա Քեյանի հետ
Սիրով հրավիրում ենք Ձեզ դառնալ IzaBellaKeyan Brand-ի 4-ամյակի միջոցառման մասնակիցը, որը յուրահատուկ առիթ է՝
!Ծանոթանալու բրենդի հիմնադիր և գլխավոր դիզայներ նկարչուհի Իզաբելա Քեյանի հետ
!Ծանոթանալու բրենդի պատմությանն ու գործունեությանը
!Ծանոթանալու նոր մարդկանց հետ, գտնել նոր համագործակցություններ ու հնարավորություններ
!Մասնակցելու խաղարկություններին և հաղթելու գեղեցիկ ՆՎԵՐՆԵՐ
!Եվ իհարկե վայելելու համեղ հյուրասիրություն՝ ջերմ մթնոլորտում
- - - - - - - - - - - - - - - - - - - - - - - - - - - - - - - - - - - - - - -- - - - - - -
Միջոցառման կազմակերպիչներ՝
!IzaBella Keyan Brand - Keyan Բրենդը ստեղծելով գեղեցիկի ամբողջականություն նպատակ ունի իր պատվիրատուին փոխանցել ինքնատիպ և արժեքավոր Եզակի նմուշ, որը կունենա դրական աուրա և կստեղծի տրամադրություն ողջ օրվա ընթացքում: Այդ իսկ պատճառով դիզայները իր բրենդի խորագիրն է համարում <<Բրենդ, որը կստեղծի քո տրամադրությունը>>:
!Mashroom Multibrand - ցուցասրահը գործում է 2016 թվականից և երիտասարդ հայ դիզայներների առաջին միասնական հարթակն է, որտեղ ներկայացված են 20-ից ավելի հայ դիզայներներ, ովքեր ներկայացնում են հեղինակային դիզայներական հագուստ և աքսեսուարներ՝ պատրաստված Հայաստանում։
!www.musa.am մասնագիտացված հարթակ՝ միտված Ձեռագործ ոլորտի զարգացմանը Հայաստանում, որտեղ կարելի է ներկայացնել և ձեռք բերել Ձեռագործ յուրահատուկ աշխատանքներ։
Միջոցառման վայր։ ՏԱՇԻՐ Ա/Կ 4-րդ հարկ, Armenian Brands հարթակ, Mashroom Multibrand տաղավար
Սիրով սպասում ենք բոլորիդ
Կարդալ ավելին
...
Կայացավ Musa.am կայքի թվով երկրորդ պրեզենտացիան (PHOTO)
Դեկտեմբերի 12-ին Էօն հակասրճարանում մեծ պահանջարկով պայմանավորված՝ կայացավ www.musa.am կայքի թվով երկրորդ պրեզենտացիան, որին ներկա էին Ձեռագործ ոլորտի ներկայացուցիչներ, ովքեր հետաքրքրված են իրենց բրենդի զարգացմամբ և փնտրում են ընդլայնման նոր հնարավորություններ։
Կայքը իրենից ներկայացնում է հարթակ, որը Ձեռագործ ոլորտի ներկայացուցիչներին բացառիկ հնարավորություն է տալիս ընդլայնվել, զարգանալ և ներկայանալ ու տարածվել համաշխարհային մասշտաբով՝ Տեղեկատվական Տեխնոլոգիաների ներդրման միջոցով։
Կայքի նպատակն է արժևորել հայկական մշակույթը, արտահանել այն արտասահմանյան շուկաներ, ապահովել զբաղվածություն, զարգացնել ոլորտը, ներկայացուցիչներին վերապատրաստել օնլայն գրագետ ներկայանալու համար, ստեղծել համագործակցություններ և ինչու ոչ՝ նպաստել նաև ձեռներեցության զարգացմանը։
Միջոցառման ընթացքում հիմնադիրներները ներկայացրին`
✅Musa.am բրենդի և կայքի գաղափարը, նպատակները
✅ Ընձեռած հնարավորությունների մանրամասները
✅Այս տարվա ՆՈՐՈՒՅԹ - ՕՆԼԱՅՆ ԱՄԱՆՈՐՅԱ ՏՈՆԱՎԱՃԱՌ-ը և դրան մասնակից դառնալու պայմանները
✅Ցույց տվեցին օգտագործման ողջ պրոցեսը՝ բոլոր պրակտիկ մանրամասներով
✅Պատասխանեցին լսարանին հուզող բոլոր հարցերին
✅Կիսվեցին կայքի զարգացման հետագա քայլերով
✅Ինչպես նաև ՆՎԻՐԵՑԻՆ կայքից օգտվելու ԱՆՎՃԱՐ մասնակցություն մինչև Փետրվարի 1-ը՝ Օնլայն Տոնավաճառին տեղում միացած անձանց։
Միջոցառման նպատակն էր ստեղծագործողների լայն շրջանակի տեղեկացնել նման օգտակար հնարավորության մասին, քանի որ այն Հայաստանում ունի մեծ պահանաջարկ և բաց շուկա։
Կարդացե՛ք նաև՝ https://www.musa.am/home/view_blog/31
Կարդալ ավելին
...
